Inta la xaqiijiyey 4 Sarkaal oo ka mid ah Booliska Kenya ayaa ku dhintay, 2 kale way ku dhaawacmeen, kadib markii Gaari ay wateen saaka Qarax Miino lagula eegtay degaanka Libooyo
Gaariga ayaa marayay Tuulada Kulandam oo Libooyo ka tirsan,waxaana Gaariga ay ku socdeen iskalahaa Taliyaha Booliska degaanka Kulandam oo ay ku sii socdeen.
Saddex kale oo ka mid ahaa Saraakiisha Booliska ee la qarxiyay oo kala ah Dennis Mwachiru, Titus Mwangi iyo Peter,ayaa ka badbaaday weerarkaas iyaga oo aan dhaawac gaarin.
Labada dhaawaca ah ayaa lagu kala magacaabaa Oliver Ochieng iyo Nahashon Omondi , afarta dhimatay ayey Warbaahinta Kenya ka gaabsatay Magacooda waxaana ay sheegeen in aysan baahineyn inta Qoysaskooda laga wargelinayo.
Afhayeen u hadlay Booliska Kenya oo lagu magacaabo Boinnet,ayaa sheegay in weerarka ay ka dambeyso Argagixiso sida uu hadalka u dhigay,kuwaas oo dhawana dilay madixii Booliska Mandheera.
