Idaacadda codka Gobolada dhexe oo ah Radio ka howlgala deegaanada Galmudug ayaa u dabaal dagay sanad guuradii 7-aad ee aasaaska idaacada, idacadan ayaa magaalada Cadaado laga hirgaliyey 22 December 2009, waana idaacad ka hadasha wararka iyo horumarka Gobolka, waxayna soo saartay suxufiyiin badan.
Xaflada loogu dabaal dagayo sanadguurada 7-aad ayaa lagu qabtay hoolka shirarka ee Hotel Centraal Magaalada Cadaado, waxaana ugu horeyn ka hadlay Agaasimaha Idaacadda Maxamed Maxamuud Aw Adan ayaa sheegay in sanadkii la soo dhaafay ay soo kordhiyeen adeegyada Fariinta gaaban iyo Live-Stream oo idaacada internetka laga dhageysan karo websiteyada www.ceelhuur.com iyo www.goboladaradio.com
Dhanka Mas’uuliyiin ka tirsan Galmudug oo munaasabadda ka hadlay ayaa bogaadiyey dowrka idaacadu ku leedahay nabadda iyo horumarka deegaanka, ugu dambeyntii wariyayaasha iyo shaqshiyaad garab ka geystay horumarka idaacada ayaa shahaadooyin la gudoonsiiyey.
