Magaalada Garoowe ee caasimadda dowlad goboleedka Soomaaliyeed ee Puntland waxaa ka socda Tartanka kubadda koleyga gabdhaha Soomaaliyeed, waxaana ka soo qeyb galay ilaa 6 kooxood oo kala ah : Galmudug, Puntland, Hirshabelle, Jubbaland, Benaadir iyo kooxda Bilan oo buuxisay booska kooxdii Koofur Galbeed.
Gabadha Matalayey dowlad goboleedka Galmudug ayaa galabta 36 dhibcood uga adkaaday gabadha kooxda Bilan oo keensaday 18 dhibcood, Kooxda Bilan ayaa ah koox ka dhisan magaalada Muqdisho oo buuxisay booska Kooxda gabdhaha Koofur Galbeed.
Dhanka kale ciyaartii labaad ee galabta la dheelay ayaa waxaa wada ciyaaray gabadha Hirshabeelle iyo Jubbaland, waxaana 40 dhibcood ku badiyey kooxda Hirshabeelle , halka Jubbaland keensadeen 23 dhibcood.
Kooxda Gabadha kubadda koleyga Dowlad goboleedka Galmudug ayaa beri 3 galabnimo ( sagaalka saac) la ciyaari doona kooxda Gabadha kubbadda koleyga ee dowlad goboleedka puntland, waxaana kooxdii badisaa ay u gudbi doontaa finalka koobka.
