Weeraryahanka Crystal Palace ee Christian Benteke ayaa lagu soo waramayaa inuu helay dalab koox Chinese ah oo ka ciyaarta horyaalka Super League si uu ugu biiro bishan.
26-sano jirkaan, oo kaga soo biiray kooxda Eagles naadiga Liverpool xagaaan, ayaa waxaa dooneysa Beijing Guoan iyadoo diyaar la ah heshiis gaaraya £ 40m, sida laga soo xigtay The Sun.
Kooxda ayaa sidoo kale diyaar waxay u yihiin inay kor u qaadaan mushaarka todobaadlaha ah oo iminka ah £ 100,000 iyagoo gaarsiinaya £ 165,000 – sanadkiina waxa uu noqonayaa £ 8.5 .
Kooxda Beijing aayaa suuqa ugu jiran xiddig magaca leh bishan, iyagoo doonaya inay la tartamaan Shanghai SIPG iyo Shanghai Shenhua, kuwaas oo hore u dhameystirtay hishiisyada Oscar iyo Carlos Tevez.
Benteke ayaa dhaliyay sideed gool 17 kulan uu u saftay Palace xilli ciyaareedkan, oo ay ku jiraan shan gool sagaalkii kulan ee ugu danbeysay.
W/D Hafsa Haji
