Alshabaab oo beeniyey in Qalbi dhagax xiriir la lahaa

Wararka Maanta

Alshabaab ayaa beeniyay in Cabdikarin Qalbi dhagax  inuu xiriir la lahaa ururkooda, iyadoo Dowladda Federaalku maanta kulan ay yeesheen golaha wasiirada go’aanadii ka soo baxay ay ka mid ahayd in Qalbi dhagax xiriir la lahaa Alshabaab .

Qoraal uu soo saaray ururka Alshabaab ayay isaga fogeeyeen inay wax xiriir ah la lahaayeen Qalbidhagax. “Al-Shabaab waxay si adag iskaga fogeynayaan hadal kasoo yeeray maamulka Farmaajo oo lagu sheegay in Shaqsiga lagu magacaabo Cabdi Kariim Sheekh Muuse “Qalbidhagax” kana tirsan jabhada ONLF uu iskaashi la lahaa Al-Shabaab”.ayaa lagu yiri qoraalka ka soo baxay Alshabaab.

Warkan ka soo baxay ururka Alshabaab ayaa waxaa uu ku soo beegmay iyadoo qaar kamid ah mas’uuliyiin lagu xusay qoraal ka soo baxay shirka golaha wasiirada ee maanta Muqdisho ka dhacay ay beeniyeen in heshiis uu dhex maray dowlada federalka soomaaliya iyo dowlada Itoobiya kaasoo fasaxaya in la isku wareejin karo dadka dambiyada ka gala labada dal.

Waxaa isa soo taraya walaaca ku saabsan go’aanka rasmiga ah ee dowladu ka soo saartay arrinta Qalbi dhagax oo maalmihii la soo dhaafay kan ugu hadal haynta badan baraha bulshada iyo warbaahinta maxaliga ah.