Xoghayaha Joogtada ee Wasaarada Qorsheynta Somaliya, C/Qaadir Aadan Maxamed, ayaa ka hadlay halka ay mareyso qorshaha dalka loogu soo guurinayo Hay’adaha Xafiisyada ku leh Nairobi, kuwaasoo ka shaqeeya gudaha Somaliya.
Xoghayaha, waxa uu sheegay in qorshahan uu haatan marayo meel wanaagsan, Kaasoo soo maray heerar kala duwan, waxaana uu soo bilwoday Bishii Jnauary, 11-Keeda ee Sanadan, markaas oo uu shir ka dhacayay Muqdisho ka sheegay Ra’iisul Wasaare Khayre in Hay’adaha soo guuraan.
C/Qaadir Aadan Maxamed, ayaa tilmaamay in Hay’adaha la rabo iney soo guuraan ay yihiin kuwa aan dowlaiga eheyn, xuriyadna ay u heystaan iney Muqdihso ka dagaan meesha ay ka doonaan
Xoghayaha Joogtada ee Wasaarada Qorsheynta Somaliya, C/Qaadir Aadan Maxamed, ayaa soo hadal qaaday doodaha qaar ee la xiriirta in amniga Muqdisho aan la isku haleyn karin, taasna ay hay’adaha ku qasbeyso iney Nairobi ku shaqeeyaan, waxa uu arintan uga jawaabay in hay’adaha la doonayo iney soo guuraan ay xaruo ku leeyihiin wadamada Ciraaq Afghanistan, Syria iyo Liibiya oo sida uu sheegay amni ahaan ka liita Somaliya.
Waxaa uu intaas ku daray in Hay’adaha laga doonayo in kama dambeys ay dhamaadka Bisha soo socota ee December u soo guuraan Soomaaliya.
Hay’addii ku soo guuri weysa wixii ka dambeeya 31ka December,waxaa uu sheegay in ay kala laabanayaan Diiwaangelinta iyo Miisaaniyadaha ay ku soo qaaddo Magaca Soomaaliya.
Hay’ada UNICEF, oo kamid ah hay’adaha fariinta ah dalka u soo gaara gaartay, ayaa Xafiiskeeda ka furatay Muqdihso, lamana oga sida hay’adaha kale u qaadan karaan Go’aanka Wasaarada Qorsheynta Somaliya.
