Musharax madaxweyne Soomaaliya 2016 C/raxmaan C/shakuur Warsame ayaa maanta si heer sare ah loogu soo dhaweeyey Magaalada Dusmo-reeb ee caasimada Galmudug.
Mr. Warsame ayaa kasoo kicitimay magaalada Muqdisho, waxaana madaxda maamulka Ahlu sunno iyo shacab farabadan ku soo dhaweeyeen garoonka diyaaradaha, waxaana loo soo galbiyey gudaha magaalada.
C/shakuur ayaa kulamo la yeeshay madaxda maamulka oo uu ugu horeeyo Sheekh Maxamed Shaakir hogaamiyaha Ahlu sunno, waxa ayna kawada hadleen doorashada iyo sidii ay u taageeri lahaayeen inuu ku guuleysto kursiga Villa Soomaaliya.
Musharax C/raxmaan C/shakuur ayaa kasoo jeeda gobolada dhexe gaar ahaan degmada Dusmo-reeb, waana sababta uu olalahiisa doorashada uga bilaabay, musharaxa ayaa la filayaa in uu tago magaalooyinka Cadaado iyo Galkacyo.
Comments are closed.