Waxaa goor dhow laga soo dajiyey garoonka Diyaaradaha Aadan Cadde magaalada Muqdisho Meydka Allaha u naxariistee Marxuum S/Guud Maxamed Cali Samatar oo dhowaan ku geeriyooday dalka Mareykanka.
Jen. Yuusuf Cusmaan Dhuumaal oo ahaa Taliyihii hore ee ciidamada xoogga dalka ayaa sheegay in lagu aasayo Marxuum S/Guud Maxamed Cali Samatar Xarunta Wasaaradda Gaashaandhigga.
Calanka Soomaaliya ayaa hoos loo dhigay saddex maalmood, waxaana dowladdu todobaadkan ku dhawaaqday baroor diiq qaran oo loo sameynayo Marxuum S/Guud Maxamed Cali Samatar.
Ammaanka magaalada Muqdisho ayaa saaka la adkeeyay, iyadoo aaska Marxuum S/Guud Maxamed Cali Samatar loo waddooyin dhowr ah oo magaalada ka mid ah.
Allaha u naxariistee S/Guud Maxamed Cali Samatar ayaa ka mid ahaa aas aasayaashii Ciidamada xoogga dalka, waxaa uu soo noqday Madaxweyne kuxigeen, Ra’iisul Wasaare iyo Wasiirka Gaashaandhigga.
Comments are closed.