Kooxo hubeesan ayaa Weerar isugu jira Ismiidaamin iyo mid toos ah waxa ay ku qaadeen Dhismaha Jaamacada American University oo kutaala magaalada Kaabuul dalka Afghanistan, wali ma jirto cid si dhab ah u sheegatay mas’uuliyadda weerarkaas.
Weerarkan ayaa bilowday xalay 7:00 Pm xilliga dalka Afghanistaan, wuxuuna soo gabangaboobay 3:00 Am, Inta la xaqiijiyay Weerrakan waxaa lagu dilay 12-qof , halka dad ka badan 30-qof oo kalana ay ku dhaawacmeen, dadka dhintay ayaa la sheegay in 7-kamid ah ay ahaayeen Ardayda Jaamacada , waxaa sidoo kale weerarkaasi lagu dilay sadex booliis iyo labo kamid ahaa ilaalada Jaamacada.
Ciidamada sida gaarka ah u tabbaran ee Dowlada Afgaanistan ayaa ku guuleestay in ay soo bad baadiyaan qaar kamid ah Ardayda iyo dadkii kale ee Dhismah Jaamacada ku go’doonsanaa, waxaana Ciidamada ay dileen qaar kamid ah ragii galay Jaamacada.
Jaamacada American University of Afghanistan , waxaa iska leh Dowlada Mareykanka, waxaana Jaamacadan dhigta arday aad u badan, weerarkan ayaana noqday mid saameyn badan saakay ku yeeshay Jaamacadaha iyo goobaha kale waxbarashada ee kuyaala magaalada Kabul.
