Madaxweynaha maamulka Galmudug Axmed Dulaacele Geelle (Xaaf) oo ay wehliyaan wasiiro iyo xildhibaano ka tirsan maamulkiisa oo saraf dhinaca dhulka ah uga soo anbabaxay magaalada Cadaado ayaa maarta gaaray magaalada Gaalkacyo ee Gobolka Mudug.
Madaxweyne Xaaf ayaa safarkiisa kusii maray deegaano dhowra oo u dhaxeeyay cadaado iyo Gaalkacyo sida Gelinsoor Bandiiradley, Sedax Higlo, Dagaari iyo tuulooyin kale. isagoo dadka halkaasi kunoolaa kala hadlayey inay maamulka taageeraan isla markaana ay nabada ka shaqeeyaan.
Madaxweynaha Galmuudg iyo wafdigiisa waxaa magaalada Gaalkacyo kusoo dhaweeyay maamulka degmada kan Gobolka iyo qeybaha bulshada. Xisri Yuusuf Bare duqa Degmada Gaalkacyo ayaa hadalo soo dhaweyna kadib sheegay in magaalada Gaalkacyo iyo guud ahaan gobolka Mudug uu u baahanyahay dib u heshiisiin si bulshada kunooli ay nabad u helaan.
Waxgaradka iyo bulshada kale ee kunoool gaalkacyo iyo deegaanadii uu soo maray madaxweyne xaaf ayaa sheegay inay tahay baahida ugu weyn oo ay qabaan helitaanka amni leysku haley karo. Madaxweynaah maamulka galmudug axmed dulaace geelle xaaf ayaa sheegay in maamulkiisu uu ka shaqey doono amniga gobolka mudug iyo guud ahaan deeganaada kale ee maamulka isagoo bullshada ka codsaday inay la shaqeeyaan.
Madaxweyne Xaaf waxaa uu sheegay in nabadu ay tahay nolosha bulshada isla markaana ay dadaal ku bixi doonaan ka maamul ahaan sidii ay bulshadu ay ugu noolaalahaayeen.
WARIYE DAAHIR FAARAX
