Layrka cadceeda ku shaqeeyaa oo laga hirgaliyay magaalada Godinlabe gobolka Galgaduud.
Mashruucan waxaa maalgaliyay Hay’ada NIC ee Dalka Norway , waxaana kaalin wayn gaystay inuu Godinlabe soo gaaro Wasiirkii hore Arimaha gudaha xildhibaan Cabduraxmaan Maxamed Xuseen Odawaa.
Wasiir Odawaa oo August 2016 booqday Godinlabe ayey bulshadu ka codsadeen Layrarka Cadceedu ku shaqeeya, waxaana maanta suurtagalay balanqaadkii wasiirka.
Godoomiyaha Godinlabe Cabdi Yare Macalin Qase ayaa ugu baaqay bulshada degaanka inay ilaashadaan layrarkaan oo uu sheegay inuu yahay Hanti guud.
Tirada Layrarkaan ayaa gaaraya 30 xabo, waxaana Nalalkaan sara u qaadayaan bilicda iyo ganacsiga magaalada.
