Ciidamada Al-Shabaab ayaa dagaalka kula wareegay Tuulada Abal oo aheyd halkii uu saldhiga ku lahaa Sheekh Mukhtaar Roobow Abuu Mansuur oo ka goystay Alshabaab, Dagaalka oo dhowr jeer la isku noqsaday ayaa la sheegayaa in ciidamada Abuu Mansuur ay iska caabiyeen Alshabaab, inkastoo markii dambe Alshabaab u suurtagashay in qabsadaan goobta dagaalka.
Gulufka lagu qaaday Abuu Mansuur ayaa waxaa hogaaminaya Xasan Yacquub iyo Cabdullaahi Macalin Geedow oo ka soo jeeda Bay iyo Bakool. Labada ciidan ayaa wali dagaal ku dhexmarayaa dhulka howdka ah , Khasaaraha dagaalka ka dhashay ayaa wali si rasmi ah loo ogeyn, Al-Shabaab ayaa aad uga gaabsatay inay ka hadasho dagaalka, dadka deegaanka ayaa sheegaya in hubka nuucyadiisa isku adeegsanayaa labada dhinac. ciidamada koofur galbeed ayaa la filayaa inay saacadaha soo socda ku biiraan dagaalka.
Alshabaab ayaa hadii dagaalka looga adkaado, waxaa suurtagal ah in ay garabyo u kala jabaan, Roobow ayaa haysta dhalinyaro u daacad ah, kuwaas oo u badan dhalinyarada deegaanka oo muddo ka garab dagaalamayey, Alshabaab ayaa horey uga taqalusay hogaamiyayaal ka tirsanaa oo ay aragtida ku kala duwanaadeen.
