Ganacade Xassan Maxamad Cali (Xasan Qonjor) ayaa 74 booyadood oo biyo ah u dhaamiyey dadku abaartu saameysay ee ku nool tuulooyinka hoostaga degmada Cadaado.
Biyo dhaamintaan ayaa waxaa ka faa’iideystay bulshada ku dhaqan tuulooyinkaas, waxaana xusid muddan inuu yahay ganacsade u damqaday bulshadiisa.
Ganacsadaha ayaa ku sugan magaalada Muqdisho, waxaana howshaan wakiil uga ahaa Muumin Maxamuud Barre iyo C/qaadir Xuseen Shuuriye.
Deegaanada Galmudug ayaa waxaa saameysay abaarta, xoolaha ayaa inta badan baxay, waxaana dadku iyo xooluhuba u baahaan yihiin biyo, cunto iyo dawo.
Gargaarka hay’adaha ayaa gaabis ah, inkastoo hay’adaha gargaar bilaabeen. Cidna uma maqna ceelna uma qodan. Fadlan caawi walaalahaa tabaalaysan.
