Dhismaha garoonka diyaaradaha magaalo xeebeedka Hobyo ayaa meel fiican maraya, waxaana dhaqaalaha ku baxaya dhismsha garoonka iska kaashanaya hay’adda SSF iyo dadka deegaanka.
Mashruucan ayaa waxaa ku baxaya dhaqaale kor u dhaafaya 300 kun dollar, waana mashruucii ugu balaarnaa ee dhawaanahaan laga fuliyo Hobyo, dadka Hobyo ayaa u safra Cadaado iyo Galkacyo oo u jira ku dhawaad 300 km si ay diyaarad u helaan.
Sidoo kale waxaa gabagabo maraya dhismaha xarunta degmada iyo iskoolka. Hobyo ayaa dib uga soo kabanaysa dhibaatadii dagaalada Sokeeye, waxaana dhawaan gaaray halkaasi ciidamo boolis ah oo tababar soo dhameystay.
