Professor Cabdulqaadir Maxamed Shirwac ayaa maanta magaalada Muqdisho uga dhawaaqay inuu u sharaxan yahay jagada Madaxweynaha dowlad goboleedka Galmudug, Prof Shirwac ayaa kusoo biiraya Musharixiin u taagan qabashada hoggaanka ugu sareeya dowlad goboleedka Galmudug.
Munaasabada ku dhawaaqista Musharaxnimada Prof Shirwac ayaa ka dhacday hotelka Karmel ee magaalada Muqdisho, Mr. Shirwac ayaa ka mid ah asaasayaashii maamulkii Ex-Galmudug, waxaana sidoo kale Magaalada Galkacyo ka furay Jaamacadda Galkacyo oo ah mashruuc lagu guuleystay.
Sidoo kale Prof Shirwac ayaa hormuud u ah guddiga dhismaha wadada Hobyo iyo Galkacyo isku xirta, gudigan ayaa lagu magacaabaa GOB, waxaana inta badan waqtigiisa ku qaatay deeganada Galmudug.
isa soo sharaxidda Prof shirwac ayaa rajo galinaysa bulshada ku nool deegaanada Galmudug, waxaana maalmaha soo socda la filayaa ay isa soo sharaxaan siyaasiyiin kale.
