Tababaraha Liverpool Jurgen Klopp ayaa isku dayaya inuu ka dhaadhiciyo guddiga kooxda inay u ogolaadaan inuu dalab u diro xiddiga garabka uga ciyaara kooxda PSG Julian Draxler.
Sida laga soo xigtay Transfermarket, tababaraha Jarmalka Klopp ayaa aad u xiiseynaya ninka ay isku wadanka yihiin, waxaana uu doonayaa inuu 24 sanno jirkaan ku biiro kooxda xagaagaan.
Wargeyska ayaa intaa ku daray in tababaraha uu sii wadi doono sidii loogu ogolaan lahaa inuu u dhaqaaqo Draxler, iyadoo kooxda ay ku jirto xaalad xasaasi ah ka dib markii ay iibisay Philippe Coutinho lacag dhan £ 142m.
Draxler ayaa PSG kaga soo biiray 2017 kooxda Bundesliga ka dhisan Wolfsburg – ciyaaryahanka garabka ka ciyaara ayaa sidoo kale waqti la qaatay Shalke ka hor inta uusan u dhaqaaqin kooxda Faransiiska.
xidiga Jarmalka ayaa ku biiri kara weerarka Liverpool oo ay ku jiraan Mohamed Salah iyo Roberto Firmino, oo ciyaaray kulankii Reds ay kaga badisay Watford 5-0 Sabtidii.
