Saacadihii u dambeeyey ayaa bukaano uu soo ritay cudurka shubanka la dhigay isbitaalka ee degmada Cadaado, bukaanadan ayaa badankooda laga keenay tuulada Iidoole ee hoostagta Cadaado.
Sida ay inoo xaqiijiyeen dhakhaatiirta isbitaalka, ilaa xalay waxaa isbitaalka la keenay 26 bukaan ah, kuwaas oo lala tacaalayo xaaladooda caafimaad.
Dhankale dadka deegaanka ayaa inoo sheegay in hal qof uu ugu geeriyooday shuban deegaanka Iidoole, waxaana intaas ku dareen in dadkale oo shuban la ildaran loo soo qaaday dhanka Cadaado.
Tuulooyinka ku hareeraysan degmada Cadaado ayaa waxaa ka jira abaar daran, waxaana Ugu darsamay cuduro faafaa.
