Jarmalka oo 50 Milyan ugu deeqay Soomaaliya

Wararka Maanta

Lacagtan 50-milyan Geni ee Dowladda Jarmalka ay ugu deeqday Soomaaliya ayaa loogu talagalay in wax loogu qabto dadka ku nool 14-degmo oo ka kala tirsan Gobolada Banaadir iyo Gedo,waxaana si gaar ah loogula tacaalayaa Xaaladaha nafaqo darro ee heysata Hooyada iyo Dhallaanka.

Safiirka Dowladda Jarmalka ee  Soomaaliya H.E.JUTTA FRASCH, ayaa Sheegtay in kaalmada mashruucan Loogu magacdaray u Adkeysiga, uu Yahay Mid Socan doono Muddo Seddex Sano Ah, waxaana la soo marsiinayaa Hey’addaha UNICEF IYO WFP.

Wasiir ku-xigeenka Wasaaradda Gargaarka iyo Masiibooyinka ahna ku simaha Wasiirka Cilmi Cumar Ceysane ayaa wuxuu ka waramay baahida ugu daran ka Wasaarad ahaan ee hadda ay wajahayaan iyo xaaladda Macluusha ee Soomaaliya ka jira.

“ Dowladda waxay sameysay diyaargarow aad iyo aad u ballaaran,hadda qorshahan maanta halkaan isugu nimid wuxuu qeyb ka yahay qorshahaasi,meelaha hadda la xushay ee Gobolka Banaadir Daafihiisa ama Gobolka Banaadir waxaa lagu qiyaasaa dadka ku nool seddex Milyan,oo runtii inta badan Gobollada dhexe ka soo barakaceen,sidoo kale Gedo oo iyana ay joogaan dad badan oo abaartu saameysay

Madashaasi Ayaa waxaa Ku Sugnaa Mas’uuliyiin Kala duwan Oo Ka Socda Wasaaradaha Dowladda, Aqoonyahano Iyo Wakiilada Hey’adaha UNICEF IYO WFP. Deegaanno ka Tirsan Soomaaliya, ayaa waxaa ka Jira xaalado nafaqa daro oo Heysta Caruurta Iyo Hooyooyinka uurka Leh.