Madaxweynihii hore ee Soomaaliya Mudane Xasan Sheekh Maxamuud ayaa maanta waxa uu ka ambabaxay Garoonka Diyaaradaha Aadan Cadde ee Magaalada Muqdisho.
Xasan Sheekh Maxamuud ayaa waxaa Garoonka Diyaaradaha ku sii sagootiyay Guddoomiyaha Baarlamaanka Federaalka Mudane Maxamed Sheekh Cusmaan (Jawaari) iyo xubno kale oo saaxiibo dhow la ah Xasan Sheekh.
Xasan Sheekh ayaa la sheegay in uu ku sii jeedo Dalka Turkiga oo ay degan yihiin Qoyskiisa. Madaxweynihii hore ee Soomaaliya Xasan Sheekh Maxamuud ahna Xildhibaan ka tirsan Baarlamaanka Federaalka ayaa la filayaa in Magaalada Muqdisho uu ku soo laabto mudo kooban kadib marka uu nasiino ku soo qaato Turkiga.
Xasan Sheekh Maxamuud Madaxweynihii hore ee Somaliya ayaa 16-kii Febraayo ee sanadkan si rasmi ah xilka ugu wareejiyay Madaxweynaha cusub ee 8-dii Febraayo lagu doortay magaalada Muqdisho.
