Taliska CXDS oo Markale ku dhawaaqay howlgal Ballaaran

Wararka Maanta

Taliyaha Ciidanka xoogga dalka Soomaaliyeed Generaal Daahir Aadan Cilmi Indhoqarshe ayaa ku dhawaaqay howlgal Ballaaran oo dhawaan ka bilaaban doona guud ahaan Soomaaliya.

Taliyaha ayaa sheegay in u jeedada ugu weyn ee howlgalkaan ay tahay in ay gacanta ku dhiggaan degmooyinka ay maamulaan Al-Shabaab ee ku yaalla gobolada Soomaaliya.

Sidoo kale waxaa uu sheegay in ay furi doonaan wadooyinka ay go’doomiyeen Al-Shabaab, islamarkaana uu qorshuhu yahay in dhammaan Al-Shabaab laga saaro gobolada dalka.

Taliska Ciidanka xoogga dalka Soomaaliyeed ayaa horay dhowr jeer ugu dhawaaqay howlgallo Al-Shabaab looga saarayo gobolada dalka, mana jirto ilaa iyo hadda tilaabo ay qaadeen oo dhaqangashay.

Aragtidaada ka dhiibo