Magaalada Hobyo gobolka Mudug waxaa galabta ka furmay shirweynaha Wadatashiga iyo Midnimada Beesha Habargidir, shirkan ayaa waxaa ka soo qeybgalay Salaadiinta, Nabaddoonada, Siyaasiyiinta, Saraakiil Ciidan, Haweenka iyo waxgaradka kale, waxa uuna socon doonaa todobaadyada soo socda.
Shirka waxaa daahfuray Guddoomiyaha Guddiga Farsamada Shirka Cabdi Faarax Jaamac (Cabdi Dheere), waxaana sidoo kale goobta ka hadlay Maamulka Degmada Hobyo iyo Maamulka Gobolka Mudug.
Salaadiinta iyo odayaasha dhaqanka ayaa khudbado ka jeediyey madashada, waxaana uu soo gaban gaboobay Maqribkii, gabangabadii ayaa loo balamay in shirka la ambaqaadi doono beri 9:00 subaxnimo.
Ka qeybgalayaasha shirkan ayaa ka kala yimid gudaha dalka iyo dibadiisa, waaana shir laga filayo in ay kasoo baxaan go’aano dhaxal gal.
Beesha Habargidir oo degta gobolada Sool, Mudug, Galgaduud, Hiiraan, Shabeelaha Hoose iyo Jubadda Hoose ayaanan muddooyinkan yeelan shir noocaan oo kale ah.
