Deegaanada dowlad goboleedka Galmudug ayaa waxaa ku dhufutay abaar daran, waxaana inta badan gacanta ka baxay xoolihii ay dhaqanayeen reer miyigu, tani waxa ay sababtay in dad badan u guuraan dhanka tuulooyinka iyo magaalooyinka waaweyn. Gurmadka abaaraha ayaa waxaa ka qeyb qaatay qeybaha bulshada, maanta ayaa ururka dhalinyarada Galmudug waxa uu deeq raashin ah gaarsiiyey deegaano hoostaga degmada Cadaado
Ururka dhalinyarda Galmudug ayaa 100 qoys oo ku dhaqan deegaanka Qofsaar gaarsiiyey raashin qalalan, waxaana arinta aad uga mahad celiyey bulshada deegaanka, deeqaan ayey dhalinyaradu jeebkooda kasoo gadeen, waxaana tani muujinaysa in ay muhiim tahay in bulshadu is caawiso xiliyadan oo kale.
Gudoomiyaha ururka dhalinyarada Galmudug Caruuse Macalin Maxamed ayaa goobta ka sheegay in ay deegaano kalena gaarsiin doonaan deeq isugu jirta raashin iyo biyo dhaamin, ayna waajib ku tahay in ay dadkooda dhibka la qeybsadaan.
dadka reer guuraaga ah ayaa aad u saameysay abaaraha, waxaana gaabis ah kaalmaha ka imaanaya hay’adaha samafalka, waxaana xusid mudan in inta badan hay’aduhu la soo daahaan deeqaha ay bixiyaan.
