Ra’iisul wasaaraha jamhuuriyadda Soomaaliya mudane Cumar Cabdirashiid Cali Sharmaake iyo wafdi uu hogaaminayo ayaa galabta soo gaaray magaalada Cadaado fadhiga dowlad goboleedka Galmudug.
Madaxweynaha Galmudug mudane Cabdikariim Xuseen Guuleed ayaa garoonka diyaaradaha Cadaado ku soo dhaweeyay Raiisul wasaaraha Soomaliya cumar cabdirashiid.
Ujeedada safarka Raiisul wasaaraha ayaa lagu sheegay sidii wada hadal loogu dhameyn lahaa xiisadda dagaal ee ka taagan magaalada Gaalkacyo xarunta gobolka mudug.
Ra’iisul wasaaraha ayaa caawa ku hoyanaya magaalada Cadaado, wuxuuna shirar la leeyahay madaxda iyo waxgaradka Galmudug. Waxaana la filayaa inuu beri u boqoolo dhanka deegaanaada Puntland.
Galkacyo ayaa maalmahan ka taagnaa dagaalo u dhaxeeyo maamulada Galmudug iyo Puntland, waxaana khasaaro badan ka dhashay dagaaladaas.
Comments are closed.