Madaxweynaha Galmudug Axmed Ducaalle Geelle Xaaf oo ay wehliyaan Madaxweynaha Puntland Cabdiwali Gaas, Madaxweynaha Jubbaland Axmed Madoobe iyo masuuliyiin kale ayaa maanta socdaal lug ah ku maray gudaha magaalada Cadaado xarunta Galmudug.
Madaxda ayaa bulshada kula hadlay bartamaha magaalada, waxayna ku hanbalyeeyeen bulshada iyo maamulka sidii ay nabadda iyo horumarka isugu howleen. Sidoo kale Madaxda ayaa sheegay in arinta Galkacyo lagu dhameynayo wadahadal iyo nabad, iyagoo madaxda Galmudug iyo Puntland sheegeen in ay sameynayaan ciidamo isku dhaf ah oo ka shaqeeya ammaanka Galkacyo.
Madaxda maamul goboleedyada ayaa xalay ku hoyday Cadaado, iyagoo xalay ka qeybgalay xaflad lagu soo afmeerayey caleemasaarka Madaxweynaha Galmudug.
