Kooxo Bistoolado ku hubeysan ayaa xalay fiidkii ku dilay xafaada Huriwaa ee magaalada Muqdisho marxuum Axmed Dhoorre Raage oo ka mid ah ergadii magaalada Cadaado ku doortay xildhibaanada cusub.
Marxuumka oo ayaa xiliga la dilayey kasoo baxay masjid ku dhow gurigiisa, waxaana da’diisa lagu sheegay 80 jir, waxa uuna ka mid ahaa ergadii beesha Saruur uga qeybgashay doorashada xildhibaanada beeshaas.
Waa ergaygii labaad oo u dhashay beesha saruur oo lagu dilo magaalada Muqdisho, Caasimadda Soomaaliya ayaa noqotay kawaanka dadka waxgaradka ah, waxaana inta badan dhacda in aan lasoo qaban kooxaha falalka nuucaan ah geysta.
