Real Madrid ayaa xaqiijisay in Marco Asensio uu qandaraaska u kordhin doono kooxda Bernabeu.
Xiddiga reer Spain ayaa si aad ah u soo jiitay kooxda xilli ciyaareedkaan, ka dib markii uu bandhig fiican sameeyay isagoo kahoos ciyaaraya macalin Zinedine Zidane xilli ciyaareedkii hore.
Asensio ayaa u saxiixay kooxda reer Spain sannadkii 2014-£ 3.5milyan kooxda Mallorca, waxaana uu heshiis lix sanno ah u saxiixay Los Blancos.
21 jirkaan ayaa ciyaaray 23 kulan oo La Liga ah xilli ciyaareedkii hore, waxaana uu sidoo kale ku saftay Champions League, isagoo dhaliyay seddex gool sideed kulan, oo uu ku jiro goolkii finalka ee Juventus.
War qoraal ah oo ka soo baxay Real Madrid ayaa lagu yiri: “Real Madrid CF iyo Asensio waxay ku heshiiyeen qandaraas cusub, taasoo ku xireysa kooxda ilaa 30ka June 2023.
Heshiiska cusub ee Asensio ayaa imaanaya maalin uun ka dib markii Real Madrid ay heshiis hal sano ah u saxiixday daafaceeda Raphael Varane.
Labada ciyaaryahan ayaa raacaya wadooyinka Marcelo, Isco, Dani Carvajal, Karim Benzema iyo Marcos Llorente, kuwaas oo sidoo kale mustaqbal fiican ku leh kooxda.
W/Q Hafsa haji
