Waxaa magaalada Cadaado xarunta kumeelgaarka ah ee dowlad goboleedka Galmudug saaka ka socda qaban qaabadii ugu dambeysay ee doorashada xubnaha u tartamaya aqalka sare, waxaana ku tartamayaa 19 musharax oo ku loolamaya 8 kursi oo dowlad goboleedka Galmudug ku leedahay aqalka sare ee Barlamaanka Federaalka ah Soomaaliya.
Musharixiinta u tartamaya kuraasta aqalka sare ayaa laba maalin ka hor u jeediyey khudbooyinkooda Barlamaanka Galmudug, waxaana la filayaa in doorashadu ay goordhow bilaabato.
Doorashada ayaa waxaa si wadajir ah u daadaheynaya guddiga doorashada iyo guddi xildhibaano Galmudug ah, waxaana saacadihii ugu dambeeyey socday olole xooggan oo ay sameynayaan musharixiinta u tartamaysa kuraastan.
Dhanka kale waxaa goordhow ka dhoofay magaalada Cadaado Ra’iisul wasaaraha Soomaaliya Cumar Cabdi rashiid, isagoo u baqoolay magaalada Garoowe ee xarunta Maamul Puntland.
Comments are closed.