Wararka ka imaanaya degmada Baardheere ee Gobolka Gedo ayaa sheegaya in Ciidamada dowladda ay goor dhoweyd ay toogteen haweeney la sheegay inay is qarxin rabtay oo ay ku xirnaayeen walxaha qarxa, sida ay qortay Wakaaladda wararka ee SONNA.
Haweeneydan ayaa la sheegay inay ka degtay gaari ka yimid magaalada Baydhabo, waxaana ay wax yar kaddib ay Bam gacmeed ku tuurtay Saldhiga Booliska.
Labo askari ayaa ku dhaawacmay bam gacmeedka, iyadoo rasaas ay Ciidamada fureen ay ku toogteen haweeneyda.
Ciidamada ayaa durbaba haweeneyda toogtay, waxaana baaritaano lagu sameeyay meydkeeda aga helay waxyaabaha qarxa oo ku xirnaa, sida ay sheegeen Saraakiisha Ciidamada ee ku sugan Baardheere.
