Afhayeen Golaha Dhaqanka Beelaha Hawiye Nabaddoon Cabdinuur Axmed Diiriye ayaa maanta si diiran loogu soo dhaweeyey Magaalada Cadaado Xarunta Barlamaanka Galmudug.
Garoonka Diyaaradaha Cadaado ayaa waxaa ku soo dhaweeyey Masuuliyiin ka tirsan Galmudug, Golaha Midnimada iyo Badbaada Galmduug iyo Maamulkada Degmada Cadaado.
Nabaddoonka ayaa safarkiisa waxaa ku wehliyey Siyaasiyiin uu ka mid yahay Xildhibaan Saabir Nuur Shuuriye, iyo Waxagarad kale. Nabaddoon Cabdinuur ayaa howlo shaqo u yimid magaalada Cadaado. Waxaana la filayaa in maalmaha soo socda uu joogo Cadaado.
Nabaddoon Cabdi Nuur Axmed Diiriye ayaa shalay lagu caleemasaaray Magaalada Muqdisho, isagoo badalay Aabihii Allaha u naxariistee Nabaddoon Axmed Diiriye Cali oo dhawaan ku geeriyooday Soomaaliya.
