Ciyaaryahanka khadka dhexe ee Paris Saint-Germain Javier Pastore ayaa shaaca ka qaaday in Neymar uu ku faraxsan yahay kooxda inkastoo ay sii kordhayaan wararka la xiriira mustaqbalkiisa.
Neymar ayaa noqday ciyaaryahankii ugu qaalisanaa adduunka markii uu kaga soo biiray kooxda PSG xagaagii dhawaa Barcelona 200 milyan oo ginni, laakiin warar soo baxayay ayaa sheegay inuu ku faraxsanen caasimada Faransiiska islamarkaana uu ka qoomameeyay inuu ka tago Camp Nou.
Real Madrid ayaa la fahamsan yahay inay dooneyso inay dalab u dirto xidiga reer Brazil, laakiin Pastore ayaa shaki galiyay inuu ka tagayo PSG xagaagaan.
“Uma maleynayo inuu baxayo, wax badan ayaan ka arkayaa ciyaarta saxaafada iyo xaqiiqda,” ayuu Pastore u sheegay Onda Cero.
“Markii Neymar uu yimid Paris, aad ayuu u faraxsanaa, Dabcan kooxdaan ma ahan Barcelona, mana ahan sida looga ciyaaro garoonada Spanishka.”
Neymar ayaa 28 gool u dhaliyay 30 kulan oo uu u saftay PSG xilli ciyaareedkan, lakiin haatan waxa uu maqanyahay dhaawac halis ah.
