Chelsea ayaa lagu soo waramayaa in uu diirada u saaranyahay xidiga khadka dhexe ee kooxda Paris Saint-Germain Marco Verratti marka uu furmo suuqa kala iibsiga bisha Janaayo.
24-sano jirkaan ayaa qandaraaskiisa kooxda waxa uu ku egyahay xagaaga 2021, laakiin macalin Conte ayaa doonaya inuu sii xoojiyo naadigiisa qeybta danbe ee xili ciyaareedka taaso sii xoojinaysa rabitaankiisa ciyaaryahankan.
sida laga soo xigtay Daily Mail, naadiga Chelsea ayaa diyaar la ah qarash dhan £40m, si ay u hesho Verrati, iyadoo ay iska fasixi doonto Oscar oo laga doondoonaayo horyaalka shiinaha.
PSG ayaa hada fadhisa kaalinta sedexaad ee horyaalka faransiiska, Marco Verratti ayaa kasoo muuqday in ka badan 115 kulan tan iyo markii uu kusoo biiray 2012.
