Home » Wararka Maanta » Wasiirka Tamarta iyo Biyaha oo ka hadlay biyo la’aanta Webiga Shabeelle Date :February 14, 2018 Author :admin 142 views

Wasiirka Tamarta iyo Biyaha oo ka hadlay biyo la’aanta Webiga Shabeelle

Dowladda Soomaaliya ayaa waxa ay ka hadashay xaaladda biyo la’aanta ah ee ka taagan qaar ka mid ah Gobolada dalka Somaliya oo wabigii uu guray, dadkana ay soo food saartay xaalad adag.

Saalim Caliyow Ibroow Wasiirka Tamarta iyo Biyaha Xukuumadda Federaalka Soomaaliya oo la hadlay Warbaahinta Dowladda ayaa baaq u diray Hay’addaha ka shaqeeya arrimaha samafalka  ee ka hawlgala Soomaaliya  in ay gacan ka gaystaan sidii wax looga qaban lahaa dhibaatooyinka ka dhashay Biyo la,aanta ee ka jira dalka.

Wasiir Saalim Caliyow Ibroow ayaa hadalkiisa intaasi ku daray in deegaano ka tirsan dalka ay ka jirto Biyo la,aan saamayn ku yeelatay bulshada Soomaaliyeed.

Wuxuu sidoo kale sheegay Wasiirka  in ay lagama maarmaan tahay in Hay’adaha samafalku gacan weyn ka geystaan Caawinta iyo samata bixinta bulshada ku nool deeganada ay ka jirto Biyo la’aanta ee deegaano iyo degmooyin ka tirsan Gobolada Dalka Soomaaliya..

Hadalkaan ka soo baxay Wasaaradda Tamarta iyo Biyaha Xukumadda Federaalka Soomaaliya  ayaa imaanaya xili uu guray Webigga Shabeele ee mara Gobolada Shabeelooyinka iyo Hiiraan.

Arrintasi ayaa saameyn weyn ku yeelatay beeralay iyo xoola dhaqato badan oo kunoolaa deegaanada uu maro webigaasi,mana jiraan keydada biyaha webiga oo loogu talagalay in lagu samatabixiyo dadka marka ay dhacdo dhibaatadan oo kale.

Aragtidaada ka dhiibo