Home > Wararka Maanta > Mdaxwayne farmaajo oo markiisii u horeysay maraykan tagaya isagoo madaxwayne ah

Mdaxwayne farmaajo oo markiisii u horeysay maraykan tagaya isagoo madaxwayne ah

Wararka Maanta

Safarka Madaxweynaha ee Mareykanka ayaa noqoneysa kii u horeeyay ee uu ku tago, isagoo ah Madaxweynaha Soomaaliya, Farmaajo ayaa ku noolaa Mareykanka mudadii burburka dalka ka dhacay, isagoo tagay dalkaas dhammaadkii Sideetameeyadii oo ka howlgalayay Safaaradda Soomaaliya ee Washington.

Ka qeyb galkiisa shirka Golaha Guud ee Qaramada Midoobey ayaa noqoneysa markii u horeysay, waxaana la xusuustaa in aanu ka qeyb galin shirarkii labadii sano ee la soo dhaafay, gaar ahaan sanadihii 2017 iyo 2018, waxaana bedelkiisa labadaas sano ka qeyb galay Ra’iisul Wasaaraha Soomaaliya Xasan Cali Kheyre iyo Wasiirka Arrimaha Dibadda Axmed Ciise Cawad.

Madaxweyne Farmaajo ayaa horaantii bishii Agosto ee sanadkan ka tanaasulay Baasaboorka dalka Mareykanka ee uu heystay, waxaana dad badan ku tilmaameen tallaabadaas mid gogol xaar u ah tagidiisa dalka Mareykanka, isagoo ah Madaxweyne Soomaaliyeed, maadaama isagoo heysta dhalashada Mareykanka haddii uu tagi lahaa uu la mid noqon lahaa sida muwaadin dalkiisa ku laabtay oo kale, isla markaana aanu heli laheyn wax xasaanad, waana sababta uu labada jeer uga baaqday Shirka Qaramada Midoobey sanadihii 2017 iyo 2018.

You cannot copy content of this page
error: Content is protected !!