Waxaa si qurux badan kusoo idlaaday maalintii koowaad ee Carwada Buugaagta Cadaado, Waxaana madashan ka qeybgalay Marti ka timid dunida dacaladeeda iyo dadka daneeyo aqriska deeganada Galmudug.
Gudoomiyaha Degmada Cadaado Cabdullaahi Cabdiraxmaan Tootoole ayaa daahfuray Carwada, waxaana goobta lagu soo bandhigay dood cilmiyeedyo iyo faa’iidada akhriska, sidoo kale ka qeybgalayaasha ayaa iibsanayey buugaagta lagu soo bandhigay carwada.
Waa Markii ugu horeysay ee deegaanada Galmudug lagu qabto Bandhig nuucaan oo kale ah. Sidoo kale Cadaado aya noqonaysa Magaaladii shanaad ee yeelata carwo buugaagta oo sanadle ah. waxaana horey loogu qabtay carwooyin buugaag, magaalooyinka Hargeysa, Muqdisho, Garowe iyo Kismaayo.
