Waxaa maalmahaan ka socday Magaalada Godinlabe Olale nadaafadeed ay fulinayeen ururka Hooyooyinka Godinlabe, waxaana ay isku bahaysteen hormarinta Magaalada.
Qashinka oo dhibaato badan ku haya magaalada ayay ku guuleysteen in intiisa badan isugu geeyaan duleedka magaalada Halkaas oo ay ku gubeen, waxaana arintan aad u soo dhaweeyey bulshada deegaanka.
Ururka Hooyoyinka Godinlabe ayaa ka mid ah ururada Haween ee ugu firfircoon Galmudug, iyagoo horey u dhisay isbitaalka weyn ee magaalada oo ay gacan ka siiyeen haweenka UK ku nool ee deegaanka ka soo jeeda.
Sidoo kale waxa ay hadda wadaan xarunta guriga hooyooyinka oo qabyo ah, iyagoo balan qaad ka helay dhameystirka xaruntaas wasiirka arimaha gudaha soomaaliya C/raxmaan Odawaa mar uu booqasho ku tagay halkaasi.
Ururka Hooyoyinka ayaa kaalin mug leh ka qaada dayactirka iyo dhismaha xarumaha danta guud, iyo suggida amniga deegaan.
Comments are closed.