Madaxweynaha Jamhuuriyadda Federaalka Soomaaliya mudane Maxamed Cabdullaahi Maxamed Farmaajo iyo wafdi uu hoggaaminayo, ayaa maanta gaaray Magaalada Baydhabo ee xarunta kumeelgaarka ee dowlad goboleedka koofur Galbeed.
Wafdiga Madaxweynaha ayaa waxaa Garoonka Diyaaradaha Shaati Gaduud ee magaalada Baydho ku soo dhaweeyay Madaxweynaha Maamulka Koonfur Galbeed Shariif Xasan Sheekh Aadan iyo masuuliyiin kale.
Madaxweyne Farmaajo iyo wafdigiisa, ayaa waxaa loo galbiyay Xarunta Madaxtooyada, halkaas oo ay kulamo kula leeyihiin Madaxda Maamulka Koonfur Galbeed iyo qaybaha bulshada.
Dhanka kale Ciidamada ammaanka, ayaa maanta adkeeyay ammaanka Magaalada Baydhabo, iyagoona hakad geliyay isu socodkii gaadiidka.
Waa safarkiisii ugu horeeyay ee Farmaajo uu ku taggo meel ka baxsan Magaalada Muqdisho, tan iyo markii uu noqday Madaxweynaha Jamhuuriyadda Sooamaliya, 8-dii Bishii February.
