Deeq raashin qallalan ah ayaa loo qeybiyey 328 qoys oo ku nool degmada Hobyo oo ah qaar ka mid dadka abaartu saameysay, deeqdaan ayaa waxaa bixiyey hay’ada Mercy USA, waxaana loogu talagalay inay ku afuraan qoysaskaas danyarta ah.
Deeqda ayaa isugu jirtay nuucyo kala duwan ee raashinka, waxay ku soo aaday xilli ay u baahnaayeen qoysaska danta yar ee ku nool magaalo xeebeedka Hobyo.
Hay’ada Mercy USA ayaa howlo isugu jira gargaar iyo caafimaad ka wada gobolka Mudug. Maamulka degmada Hobyo ayaa ka mahad celiyey deeqdaan, Waxaana dadka ku dhaqan degmada Hobyo iyo deegaanada hoostaga u baahan yihiin gargaar iyo mashaariic kala duwan.