Hay’adda Socdaalka iyo jisniyadda Soomaaliya ayaa xafiis ka furatay degmada Balanbale waqooyiga gobolka Galgaduud ee dowlad goboleedka Galmudug.
Munaasabda xariga looga jarayay xafiiska ayaa waxaa ka soo qeybgalay maamulka dagmada iyo dadka deegaanka iyo sarakiil ka socotay HSJ waxaana ay dhamaantood sheegeen in baahi weyn loo qabay howlaha ay qaranka u heyso Hay’adda socdaalka iyo jinsiyadda isla markaana ay uga mahadcelinayan masuuliyiintii ka soo shaqeysay in xafiiskan la furo.
Degmada Balanbale ayaa noqonaysa degmadii 7aad laga furo xarun lagu bixiyo Baasaboorka Soomaaliya deegaanada Galmudug, horey ayaa Hay’adda Socdaalka iyo Jinsiyadda Soomaaliya Xafiis uga furatay magaalooyinka Cadaado, Galkacyo, Cabudwaaq, Dusmareeb, Guriceel iyo Hobyo.
