Hay’adda Xayaat Foundation ayaa deeq lacag ah Gaarsiisay Isbitaalada Guud ee Baxdo iyo Camaara taas oo ay kaga qayb qaadanayeen dhismaha Xarumaha Caafimaad ee Degaanadadaasi.
Drs: Safiyo Cabdullahi Barre oo ah Gudoomiyaha Hay’ada Xayaat Foundation ayaa socdaalo fara badan oo ay ku gaartay Gobolka Minnesota waxaa suura gashay in laga helo dhaqaalaha lagu caawiyay laba isbitaal eek or ku xusan.
Cabdulqaadir Sayid Axmed oo ka mid ah hawl-wadeenada Xayaat Foundation ayaa gudoonsiiyay lacagtaasi Guddiyada labada isbitaal, xilli uu Safar ku tahay Baxda iyo Camaara.
Bulshada reer Minnesota oo ay ka mid yihiin Sisters Xaaji ayaa kaalin muhiim ah ka qaatay soo aruurinta lacagta looga qayb qaadanayay dhismaha Isbitaalada Baxdo iyo Camaara.
Masuuliyiinta Wada Howlaha dhismayaasha isbitaaladaasi ayaa kaga mahad celiyay sida wanaagsan ee ay Xayaat Foundation lacagahaani u soo gaarsiisay waqti ku haboon.
