Wafdi ka socda wasaaradda Duulista Hawada DFS ayaa maanta gaaray magaalada Cadaado xarunta Barlamaanka Galmudug, waxaana garoonka diyaaradaha kusoo dhaweeyey wasiirka Duulista Galmudug iyo masuuliyiin kale.
Wafdigan ayaa waxaa hogaaminayey Agaasimaha Guud Wasaaradda Duulista DFS , waxaana Qeyb ka ahaa Agaasimaha Hay’adda Duulista Rayidka DFS, gudoomiyaha Shirkadaha Diyaaradaha, iyo masuuliyiin kale ayaa Cadaado u yimid Daahfurka Wajiga 2aad ee Dhismahaha garoon diyaaradaha Cadaado.
Garoonka diyaaradaha Cadaado ayaa lagu sameyn doonaa casriyeyn, iyadoo laami la saari doono dhabaha diyaaraduhu ka haadaan (Run way), sidoo kale waxaa la dhisayaa xeynaabka iyo Towerka hagista diyaaradaha.
Masuuliyiinta ayaa kormeeray qeybaha uu ka kooban yahay garoonka , iyo goobta lagu diyaarinayo agabka dhismaha.
