Shirka Golaha Amniga Qaranka oo Muqdisho ka furmaya

Uncategorized Wararka Maanta

Sida uu qorshaya yahay, maanta oo Axad ah ayaa lagu wadaa in magaalada Muqdisho uu ka furmo shir ballaaran oo looga hadli doono amniga guud ee Qaranka.

Shirkan waxaa yeelanaya golaha amniga qaranka oo uu guddoomiye u yahay madaxweyne Maxamd C/laahi Maxamed Farmaajo, waxaana looga hadli doonaa dardargelinta howlaha amniga guud ee Soomaaliya.

November 5, 2017 shirkii magaalada Muqdisho ugu soo dhammaaday golaha amniga ayaa la isku raacay in maanta oo ah 03/12/2017 magaalada Muqdisho lagu qabto shirkan.

Shirkaan ayaa ka dhici doona xarunta Ciidamada AMISOM ee Xalane, waxaana si weyn diiradda lagu saari doona Xaaladda Ammaan ee Soomaaliya.

Madaxda maamul goboleedyada ayaa ka qeybgali doona shirkaan, iyadoo qaarkood ay magaalada Muqdisho soo gaareen.

Warkaan wixii kusoo kordha kala soco wararkeena Xiga Insha Allah