Ra’iisul Wasaaraha Soomaaliya Mudane Xasan Cali Kheyre ayaa maanta ka qeyb galay Madal looga hadlayay dar-dar galinta wax qabadka Xakuumadda Federaalka Soomaaliya iyo Diyaarinta qorsha Xukumadda ee wax qabadka 90-ka maaalmood.
Mudane Xasan Cali Kheyre ayaa ka jeediyey Munaasabadda Khudbad ka hadlaysa qorsha Xukumaddu ay ku doonayso in ay dalka ka hormariso dhinacyada kala ah Siyaasadda Arrimaha gudaha, dhaqalaha, waxbarashadda, Caafimadka, midnimadda siyaasadda Midaysan ee Caalamku Soomaaliya kula macaamilayso .
“waa inan shacabka dhex galnaa oo an dhageysanaa talooyinkoodda ,waa inan aqbalnaa Isla xisaabtanka ,waa inan Ciidankeena dhiiri galinaa Ciidankeena aniga xitaa hadii ay iigu yeeraan inan ugu tago meesha ay jogaan xitaa hadii aan naftayda ku waynayo”.ayuu yiri R/wasaaraha Soomaaliya
Ra’iisul Wasaaraha oo la hadlayay Wasiirada madasha ka soo qeybgalay ayaa ku booriyay in ay ka faa’ideestaan Fursadda Wanaagsan oo ay Dalkooda iyo shacabkooda maanta dhibaatada ay kaga saari karaan.
“Maanta waxaad haysataan Fursad wanaagsan oo aad dalkiina uga saartaan Dhibaatadda, isla markaana ad samaysaan Taariikh lagu xasuusto Xukumadda ,taasna waxaad ku samayn karaysaan in ad wada shaqayn wanaagsan yeelataan dhexdiina “ayuu yiri Ra’iisul wasaaraaha.
Madasha lagu soo bandhigayay waxqabadka Xukuumadda waxaa lagu sharxay Boorar ay ku xardhanyihiin halkudhigyo ay ka mid yihiin “Kororka kalsoonida Sahacabka waa korarka Daqliga Xukuumadda” iyo “Amniga waa udub-dhaxaadka Hormarka Bulashada”
