Waxaa maanta furmay shirkii looga hadlayay doorka qurbajoogta iyo ururrada bulshada Rayidka Soomaaliyeed ee qeybta ka ahaa shirweynaha London ee lagu qabtay xarunta Lancaster house Ee galbeedka London.
Shirka waxaa ka qeybgalay R/wasaare ku xigeenka Soomaaliya, wasiiro ka tirsan Dowladda ingiriiska, wakiillo ka socday beesha caalamka, qurbajoogta, xubno metalayay bulshada Rayidka Soomaalida iyo madax kale oo farabadan.
Shirka qeybta ugu muhiimsan ayaa la qaban doono berito oo khamiis ah 11-ka may kaasoo ay hogaamin doonaan madaxweyne Mohamed Abdullahi Farmajo iyo R/wasaaraha Ingiriiska Theresa May.
