Waxaa soo gabagaboobay dhismaha dugsiga waxbarashada degmada Hobyo, dugsigaan oo muddooyinkan dhismihiisu socday ayaa waxaa bixiyey dhaqaalaha lagu dhisay Hay’adda CISP ee dalka Talyaaniga.
Dugsigaan ayaa ku fadhiya dhul gaaraya 100×100 mitir, waxaana ka dhisan 8 fasal, xafiisyo, musqulo iyo gidaar weyn. Waxaana la filayaa in goordhow xarigga laga jaro.
Hobyo ayaa kasoo kabanaysa diiftii colaadda sokeeye, waxaana bilihii ugu dambeeyey laga hirgaliyey mashaariic dhismo oo ay ka mid yihiin:
1. Dhismaha dhabbaha diyaaraduhu ka duulaan ee garoonka diyaaradaha Hobyo.
2. Dhismaha xarunta cusub degmada Hobyo.
3. Dhismaha dugsiga degmada Hobyo.
4. Dayactirka dugsigii hore ee degmada. Iyo mashaariic kale.
Noloasha ayaa soo hagaagaysa, waxaana muuqata in magaalada Xeebeedka Hobyo qaaday tubtii horumarka.
Sii faafi oo la wadaag saaxiibadaa.
