Deeq ay iska soo ururiyeen dhalinyarada kasoo jeeda degmada Cadaado ee ku sugan Magaalada Muqdisho ayaa biyo dhaamin loogu sameeyey dad abaartu saameysay ee ku dhaqan tuulooyin hoos yimaada degmada Cadaado.
Dhalinyaradan ayaa deeqdaan waxaa wakiil uga ahaa Muumim Maxamuud Barre oo ka tirsan dhalinyarada Cadaado, waxaana qeybinta gacan ka geystay dhalinyarada Cadaado.
Tuulada Bacaha ee ku dhow xuduuda itoobiya ayay gaarsiiyeen 200 Fuusto, halka tuulada Qofsaar ay gaarsiiyeen 220 fuusto.
Dhalinyaradan ayaa deeqo isugu jira daawooyin, cunno iyo biyo horey u gaarsiiyey deegaano hoos taga Cadaado, waxaana isku xilqaameen in ay intii ay awoodaan gaarsiiyaan dadka iyo duunyada abaartu saameysay.
