Kulan lagu taageerayey Madaxweyne Xasan Sheekh Maxamuud ayaa xalay ka dhacay Hotelka SYL ee magaalada Muqdisho, kulan ayaa waxaa kasoo qeybgalay 194 xildhibaan oo labada aqal ah, Madaxweyne Xasan Sheekh, C/kariin Xuseen Guuleed Madaxweynaha Galmudug iyo Cali Guudlaawe Madaxweyne ku xigeenka Hirshabeelle.
Munaasabadan ayaa waxaa khudbado ka jeediyey dhowr xildhibaan iyagoo sheegay in taageerayaan in Xasan Sheekh Fursad kale la siiyo si uu u dhameystiro howlaha qabyada ah.
Dhankale Madaxweyyne Xasan ayaa ugu mahadceliyey xildhibaanada taageeradooda, isagoona tibaaxay inuu ku shaqeyn doono taladooda haddii dib loo doorto.
Doorashada Madaxweynaha Soomaaliya ayaa la qorsheyey in 8 Feberaayo ka dhacdo magaalada Muqdisho.
