Seddexdan nin ayaa waxaa su’aalo weydiinaya baarayaasha iyo Ciidanka Booliska ee qeybta La-dagaallanka Argagixisada (ATPU).
Sida uu sheegay taliyaha booliska Rift Valley Marcus Ocholla raggan laga shakisan yahay ma hubeysneyn, balse waxay lahaayeen ujeeddooyin qarsoon
“Faah faahin kama bixin karno hadda laakiin arrinta waxaa gacanta ku haya waaxda la-dagaallanka argagixisada”ayuu yiri Ocholla.
Sidoo kale waxaa uu sheegay in raggan la weydiiyo su’aalo adag, si loo ogaado waxa uu qorshahooda ahaa
Waxaa kaloo raggan looga shakisan yahay inay lahaayeen koox u basaasayesay oo kor kala socda, una fududeynaya inay xerada galaan
Booliska ayaa haya sawirro ay qabatay Camerada qarsoon ee loo yaqaano CCTV, waxaana lagu wareejinayaa Mas’uuliyiinta baarista ku howlan.
Maalin ka hor ayay aheyd markii Al-Shabaab ay weerartay Xero Milateri oo ku taala Gobolka Xeebta ee Lamu, halkaasoo ay si wadajir ugu sugnaayeen Ciidamo Mareykan iyo Kenyan, weerarkaas ayaa waxaa lagu dilay askari Mareykan ah iyo labo qandaraaslayaal u shaqeynayay wasaaradda Gaashaandhigga Mareykanka.
