Ra’iisul Wasaarihii hore ee Somaliya iminkana ah Musharax Madaxweyne, ayaa goor dhaweyd soo gaaray magaalada Muqdisho, iyadoo uu ka soo degay garoonka Diyaaradaha Aadan Cabdulle Cismaan (Aadan Cadde).
Farmaajo ayaa garoonka waxaa ku soo dhaweeyay qaar ka tirsan dadka ku howlan ololahiisa Musharaxnimada, iyadoo dadweyne kala duwan ay ku sugayeen Banaanka Garoonka Aadan Cadde.
Gaadiid fara badan iyo dadweyne u diyaargaroobay soo dhaweynta Farmaajo ayaa ku sii xaadiray afaafka hore ee Garoonka Aadan Cadde, halkaasi oo ammaanka si weyn loo adkeeyay.
Musharax Madaxweyne Maxamed C/laahi Farmaajo ayaa ah nin saameyn ku dhex leh Bulshada Somaliyed, marka loo eego taageerada uu ka haysto.
Farmaajo ayaa ka mid noqonaya Musharaxiin fara badan oo ku sugan Magaalada Muqdisho, kuwaasi oo hamigooda uu yahay inay hantaan hogaanka dalka.
