Goolhayaha Manchester United David de Gea ayaa lagu soo waramayaa inuusan rajeyneynin inuu u saxiixo Real Madrid ka dib markii uu weydiistay saaxiibkiisa Spain Sergio Ramos inuu ka caawiyo inay u dhaqaaqaan saxiixiisa.
26 jirkaan ayaa diirada u saaran Los Blancos, isagoo ku dhawaaday inuu u wareeego inta uusan xirmin suuqa kala iibsiga laakiin midaas ma aysan noqon mid suuro gal.
Madrid ayaan weli soo shaacin dalab labaad oo rasmi ah oo ku aadan goolhayihii hore ee Atletico Madrid, laakiin Diario Gol ayaa sheegtay in De Gea uu weli niyada ku haayo inuu ku soo laaban doono caasimada Spain ee Madrid.
Ramos ayaa la sheegay in la weydiistay inuu qandaraaska u cusbooneysiiyo xagaaga soo socda, iyadoo Zinedine Zidane uusan si buuxda ugu qancin in goolhaye cusub looga baahan yahay Bernabeu.
De Gea iyo Ramos ayaa ku lug lahaa kulankii Spain ee 8-0 kaga badiyay Liechtenstein habeenkii talaadada.
W/Q Hafsa haji
