Abaanduulaha ciidanka xoogga dalka Soomaaliyeed Jen. Cali Baashi Maxamed Cumar, Taliyaha Midowga Afrika ee AMISOM Jen. Cusmaan Nuur Subagle iyo saraakiil kale ayaa Maanta gaaray magaalada Cadaado ee xarunta KMG ee maamulka Galmudug.
Ujeeda ay u gaareen magaalada Cadaado ayaa lagu sheegay in ay tahay dardar galinta Ciidanka xoogga dalka Soomaaliyeed ee ku sugan gobolka Galgaduud, iyo qiimeynta sidii loo sugi lahaa ammaanka xarumaha doorashada ee magaalada Cadaado.
Saraakiishan ayaa kulan la yeeshay Madaxda Galmudug, iyagoona booqday goobo badan oo ay ka mid yihiin, taliska Qeybta 21-aad, Dugsiga tabarka Booliska, Taliska Nabad suggida, xarunta martida Kafaalo iyo Madaxtooyada Galmudug.
Abaanduulka ayaa ciidanka kula dardaarmay in ay u diyaar garoobay dagaal ka dhan ah kooxaha ka soo horjeeda dowladnimada soomaaliya, iyo sidii loo sugi lahaa amniga ergada shirka doorashada.
Dhanka Jen Cali Baashi ayaa ciidanka ku wareejiyey gadiid dagaal iyo lacag gunno ah, waxaana uuna aad u amaanay qeybta 21-aad oo uu ka muuqday diyaargarow iyo feejignaan dheeri ah.
Ciidanka xoogga dalka Soomaaliyeed ayaa maalmihii lasoo dhaafay guluf colaadeed , waxa ayna ka wadeen deegaano dhowr ah oo ka tirsan gobolka Galgaduud.
Comments are closed.